На 30 март 2022, со почеток во 19 часот, во фоајето на Националната опера и балет, се одржa промоцијата на десет тома со 12 книги за возрасни на познатата писателка Оливера Николова.

Издавачката куќа „Арс Ламина“, под својот импринт „Арс Либрис“, го реобјавува целокупното творештво за возрасни од Николова. Книгите, кои се дел од едицијата „Македонски книжевни класици“, се во ново руво и со нови поговори од значајни македонски професори, книжевници и писатели. Тие се подарок за поколенијата!

Писателката Оливера Николова ја доби наградата „Роман на годината“ за 2019, за нејзиното ново дело „Песот со тажен поглед“, објави денес Фондацијата за промоција и унапредување на културните вредности „Славко Јаневски“ . Николова по втор пат ја добива оваа висока книжевна награда, по „Куклите на Росица“ во 2004. Наградата 18 години ја доделуваше „Утрински весник“.